14. maí 2019 12:15 (1 lesandi hefur sagt álit sitt.)

Vortónleikar 2019

Ljúfir vorsins tónar

Fimmtudagskvöldið 9. maí s.l. fóru fram vortónleikar Stórutjarnaskóla.  Þar komu allir nemendur skólans fram, ýmist sem hljóðfæraleikarar eða sem söngfólk.  Skemmst er frá því að segja að tónleikarnir voru mjög skemmtilegir enda stóðu sig allir sem þar komu fram með mikilli prýði.

Margar hljómsveitir spiluðu og var áberandi hvað tónlistarkennurunum hefur tekist að laða fram áferðarfallega og góða spilamennsku með útsjónarsömum og skemmtilegum útsetningum. Nemendur léku einnig einleik á hljóðfæri sín og nokkrir sungu einsöng og tvísöng. Þá sungu kórar skólans við undirleik hljómsveita og mátti heyra að þá var sungið af gleði og áhuga.    Vortónleikar Stórutjarnaskóla báru glöggt vitni um öflugt og fjölbreytt tónlistarstarf og voru nemendum og kennurum til mikils sóma.

Að tónleikum loknum seldu foreldrar 9. og 10. bekkjar kaffi til ágóða fyrir ferðasjóð nemenda, en þessir bekkir fara útskriftarferð til Færeyja nú síðar í mánuðinum. Myndir hér.

Myndir: jr

Til baka

yfirlit frétta