23. júní 2021 13:47

Kveðjukvöldverður

Sunnudagskvöldið 20. júní komu starfsmenn Stórutjarnaskóla saman í matsal skólans til að kveðja starfsfólk sem nú hverfur á braut frá skólanum og til að kveðja hvert annað, svona þegar menn hverfa út í sumarið. Kokkurinn okkar, hann Sardar eldaði dýrindis lambasteik eins og honum einum er lagið og svo bjó hann til aldeilis frábæra ostaköku í eftirrétt. Sardar er frábær kokkur.

Þær Sigrún Sveinbjörnsdóttir skólasálfræðingur og Sigrún Jónsdóttir fráfarandi umhverfisráðherra skólans voru báðar kvaddar með miklu þakklæti fyrir ákaflega vel unnin störf um áraraðir. Tvær góðar konur sem sett hafa góðan svip á skólastarfið. Báðar voru þær leystar út með málverkum og stuttum þakkarávörpum. - Eins var með Þórhall Bragason, sem reyndar er hættur fyrir fáeinum árum, hann fékk loksins núna málverkið sem hann átti að fá þegar hann lét af störfum. Tolli setti svo sannarlega svip sinn á skólastarfið meðan hans naut við og má segja að hann hafi verið einn vinsælasti kennari skólans í tímans rás. - Það héldu ýmsir ræður við þetta tækifæri en þau Tolla og Óli kvöddu líka samstarfsfólk sitt og þökkuðu fyrir 27 frábær ár við Stórutjarnaskóla þar sem engan skugga hefur borið á samstarf og starfsanda allan þennan tíma. - Myndir hér.

Til baka