10. mars 2022 17:48

Öskudagsskemmtanir

Litríkur tunnusláttur

2. mars s.l. var Öskudagurinn. Af því tilefni voru haldin tvö Öskudagsböll í Stórutjarnaskóla, eitt fyrir yngri nemendur og annað fyrir eldri nemendur. Öskudagshátíðin hjá yngri nemendum fór fram á Öskudaginn sjálfan en þar var kötturinn sleginn úr tunnunni, marserað og farið í fleiri leiki, borðað popp og drukkinn safi. Og að sjálfsögðu voru allir klæddir í öskudagsbúninga.

Á fimmtudagskvöldinu á eftir voru svo elstu nemendur skólans með sitt öskudagsball. Þar mátti sjá hvern glæsibúninginn við annan. Kötturinn var auðvitað sleginn úr tunnunni og eftir fjölda kröftugra atlagna var það Björn Rúnar sem sló að lokum "í gegn". Kosið var um flottustu búningana og gefin verðlaun. Í fyrsta sæti var Björn Rúnar, Albin náði öðru sætinu og Tómas því þriðja. Að sjálfsögðu var vöruúrvali sjoppunnar gerð góð skil. Myndir hér.

Fréttina gerðu nemendur í 9. og 10. bekk

Myndir: jr

Til baka