12. september 2022 12:59

Fyrstu dagarnir

Mikið er nú gott að fá nokkra góða sumardaga nú í upphafi skólaárs. Nemendur og kennarar hafa notið þess að vera úti við leik og nám. Farið var með grunnskólanemendur og elstu nemendur leikskóla í virkilega velheppnað ferðalag þann 30. ágúst. Hljóðaklettar og Ásbyrgi skoðað, komið við í Sultum þar sem nesti var snætt og leikið í góða verðrinu. Þá var einnig stoppað í fjöru á leiðinni heim.

Þessa dagana hafa kennarar verið duglegir að færa kennsluna út í góða verðrið. Farið hefur verið í hjólatúra, hoppað á ærslabelg, farið í berjamó og náttúran könnuð. Safnað hefur verið efniviði í verkefni næstu vikna og böndin treyst í stórum sem smáum hópum. Það má því segja að hópefli hafi verið aðal málið þessa fyrstu daga skólaársins. Myndir hér.

Myndir: jr

Til baka