1. mars 2021 10:02

Dansvikan á óvenjulegum tíma

Nú er hin stórskemmtilega dansvika að baki en henni lauk síðastliðinn föstudag. Kara Arngrímsdóttir kom og kenndi dansinn með sama sniði og hún hefur gert í liðlega 30 ár hér í Stórutjarnaskóla. Raunar er dansvikan vanalega í lok nóvember og lýkur með sýningu og dagskrá sem við tileinkum fullveldisdeginum 1. desember. Þar er gjarnan fjölmenni foreldra og annarra áhugasamra, sem þiggja svo veitingar að dagskrá lokinni. Að þessu sinni gat ekkert slíkt orðið, auk þess sem við frestuðum danskennslunni fram í febrúar vegna smithættu og sóttvarnarreglna í Covid. Myndir hér.

meira...

19. febrúar 2021 13:25

Öskudagur

Að sýna sinn rétta lit

17. febrúar s.l. var Öskudagurinn. Af því tilefni voru haldin tvö Öskudagsböll í Stórutjarnaskóla, eitt fyrir yngri nemendur og annað fyrir eldri nemendur. Öskudagshátíðin hjá yngri nemendum fór fram á Öskudaginn sjálfan en þar var kötturinn sleginn úr tunnunni, marserað og farið í fleiri leiki, borðað snakk og drukkinn safi. Og að sjálfsögðu voru allir klæddir í öskudagsbúninga.

meira...

12. febrúar 2021 20:37

Á rósrauðu skýi

Valentínusarféló

Fimmtudaginn 11. febrúar hélt félagsmálaráðið Valentínusarball fyrir krakkana í 7.-10. bekk í Stórutjarnaskóla. Flestir mættu og skemmtu sér rosa vel. Félagmálaráðið skipulagði mjög skemmtilegt kvöld með dansi í salnum, karókí í setustofunni og settu einnig upp skemmtileg ljós í salnum. Sjoppan, sem er fjáröflun 9. og 10. bekkjar fyrir skólaferðina þeirra, var opin og fullt af nammi eins og vanalega.

meira...

8. febrúar 2021 20:36 (1 lesandi hefur sagt álit sitt)

Þorrablót

4. febrúar s.l. fóru fram þorrablót í Stórutjarnaskóla. Fyrra blótið var haldið eftir hádegið og var samkvæmt venju fyrir yngri hluta nemenda, þ.e. fyrir nemendur leikskólans og upp í 5. bekk grunnskólans. Foreldrar mættu ekki með börnum sínum að þessu sinni vegna sóttvarna. Síðara blótið var svo um kvöldið fyrir 6. - 10. bekk auk starfsfólksins. Á báðum þessum þorrablótum var að sjálfsögðu snæddur afbragðs góður þorramatur sem þau Sardar og Guðbjörg í eldhúsinu sáu um. Einnig var almennur söngur líkt og gerist á alvöru þorrablótum fullorðinna.

meira...

1. febrúar 2021 13:36

Starfsdagur og foreldradagur

Nk. föstudag, þann 5. febrúar, verður starfsdagur í Stórutjarnaskóla. Þann dag fellur allt skólastarf í öllum deildum skólans niður hjá nemendum. Mánudaginn 8. febrúar verður svo foreldradagur, en þann dag fá foreldrar úthlutað sérstökum tíma til að koma í skólann og ræða við kennara auk þess sem nemendur (sem eiga að koma með foreldrum sínum) fá afhent miðsvetrarmatið. Athugið að í leikskóladeildinni verða eingöngu foreldraviðtöl þennan dag en börnin heima.

Skólastjóri

meira...

5. janúar 2021 09:42

Öðruvísi dagatal

Í desember tóku nemendur 1. - 3. bekkjar að öðru sinni þátt í “öðruvísi dagatali” sem er verkefni á vegum SOS Barnaþorpanna. Að þessu sinni tóku nemendur 4. - 6. bekkjar einnig þátt. Nemendur horfðu á stutt myndband á hverjum morgni. Myndböndin fjölluðu um börn og fjölskyldur þeirra, sem þegið hafa aðstoð Barnaþorpanna. SOS Barnaþorp eru starfrækt víða um lönd og styðja fjölskyldur sem lent hafa í ýmis konar erfiðleikum s.s. fátækt, stríði, náttúruhamförum eða ástvinamissi.

meira...

21. desember 2020 09:49

Litlu-jól 2020

Á jólunum er gleði og gaman

Litlu-jólin í Stórutjarnaskóla voru haldin föstudaginn 18. desember. Fyrst fóru nemendur í heimastofur og áttu þar notalega stund með umsjónarkennurum. Að því loknu var snæddur jólahátíðarmatur í matsalnum, Londonlamb og ís í desert, en í hann hafði verið laumað möndlu fyrir hvern námshóp skólans. Möndlugjafirnar í ár voru samkvæmt venju bækur og voru þær afhentar möndluhöfum í lokin.