13. janúar 2020 15:30

SOS barnaþorp

Öðruvísi dagatal

Í desember tóku nemendur í stofu eitt þátt í “öðruvísi dagatali” sem er verkefni á vegum SOS Barnaþorpanna. Nemendur horfðu á stutt myndband á hverjum morgni. Myndböndin fjölluðu um börn og fjölskyldur þeirra, sem þegið hafa aðstoð Barnaþorpanna. SOS Barnaþorp eru starfrækt víða um lönd og styðja fjölskyldur sem lent hafa í ýmis konar erfiðleikum s.s. fátækt, stríði, náttúruhamförum eða ástvinamissi.

Myndböndunum fylgdi stafaþraut sem nemendur leystu og fundu lausnarorðið “Börn hjálpa börnum” sem við svo sendum í tölvupósti til samtakanna. Því miður vorum við ekki dregin úr pottinum, en höfum strax ákveðið að taka aftur þátt í verkefninu næstkomandi desember.

Hluti af verkefninu fólst í því að nemendur söfnuðu pening með því að gera góðverk heima hjá sér og fá greitt fyrir. Þátttaka í því var ekki skylda en þeir sem tóku þátt í söfnuninni stóðu sig með prýði og stöfnuðu samtals 12.500 krónum. Upphæðinni hefur verið komið til skila til fræðslufulltrúa SOS Barnaþorpanna á Íslandi.
Verkefnið var uppspretta mikilla umræðna um réttindi og aðstæður barna víðsvegar í heiminum. Við í stofu eitt þökkum jákvæð viðbrögð foreldra og gott samstarf. Myndir hér.

Til baka