16. maí 2022 10:56

Stórutjarnaskóli 50 ára

Afmælishátíð

Síðastliðinn þriðjudag var haldið upp á 50 ára afmæli Stórutjarnaskóla. Skólinn tók til starfa 9. nóvember 1971 en vegna samkomutakmarkana var ekki gerlegt að halda hátíð á afmælisdaginn sjálfan.

Hátíðin hófst kl 13:30 þar sem Birna Davíðsdóttir skólastjóri bauð gesti velkomna. Dagskrá í sal hófst á ávarpi þar sem Ólafur Arngrímsson fór yfir sögu skólans. Marína Sigurgeirsdóttir fyrrum nemandi og starfsmaður flutti einnig ávarp þar sem hún talaði um veru sína í skólanum á unglingsárum sínum, félagslífið og þau fjölmörgu tækifæri sem nýi skólinn bauð uppá. Tómas Karl Sigurðarson nemandi í 9. bekk sagði í sínu ávarpi frá lífinu í skólanum í dag.

meira...

16. maí 2022 10:49

Mikið um að vera

Umhverfis- og lýðheilsuþing og vortónleikar

Umhverfis- og lýðheilsuþing var haldið þann 4. maí. Aðalfyrirlesari þingsins var Ólafur Sóliman matreiðslumeistari. Hans erindi fjallaði um mikilvægi góðrar næringar fyrir okkur öll. Hann talaði líka um vistspor og framleiðslu matvæla í heimahéraði sem skiptir sköpum þegar kemur að loftlagsmálum. Olga leiddi hléæfingar og Arndís, nemandi í umhverfis- og lýðheilsunefnd kynnti niðurstöður úr rannsókn á matarsóun sem framkvæmd var í skólanum í mars s.l.. Marika stjórnaði svo fjöldasöng og að lokum var sagt frá þróunarverkefni sem skólinn tekur þátt í ásamt nokkrum erlendum skólum. Þátttaka í þróunarverkefnum eru mikilvægur þáttur í skólastarfi. Samskipti okkar við skóla í Eistlandi, Frakklandi og Ítalíu, eflir bæði kennara og nemendur. Stærðfræði og vísindi eru aðal áhersluþættir verkefnisins, þar sem nemendur allra þátttökulanda vinna fjölbreytt verkefni og skila niðurstöðum í sameiginlegar rafbækur. Myndir hér.

Vortónleikar voru einnig haldnir 4. maí. Efnisskrá var fjölbreytt og áhugaverð þar sem nánast allir nemendur skólans komu fram. Marika kynnti flytjendur og tónlist og saman voru þau Ármann nemendum til aðstoðar. Framfarir og framkoma nemenda var til fyrirmyndar og stóðu sig allir með prýði.

Eftir tónleikana var hefðbundin kaffisala með glæsilegum veitingum sem nemendur og foreldrar nemenda í 9. og 10. bekk stóðu fyrir. Allur ágóði sölunnar er til styrktar ferðasjóði nemenda.

Við þökkum öllum sem fram komu og þeim sem komu að undirbúningi fyrir þeirra framlag. Þetta var góður dagur. Myndir hér.

Nemendur og starfsfólk Stórutjarnaskóla

meira...

4. maí 2022 06:54

Umhverfis- og lýðheilsuþing og Vortónleikar Stórutjarnaskóla

Miðvikudaginn 4. maí nk. er foreldrum barna í Stórutjarnaskóla og öðrum áhugasömum boðið að koma og fræðast um umhverfis- og lýðheilsumál og hlýða á fjölbreytt tónlistaratriði á Vortónleikum skólans. Dagskráin hefst kl. 13:30.

Aðalfyrirlesari þingsins verður Ólafur Sóliman matreiðslumeistari. Hans erindi mun fjalla um hans helsta áhugamál sem er mikilvægi góðrar næringar í samhengi við vistspor og framleiðslu matvæla í heimahéraði. Þá munu nemendur kynna niðurstöður úr lítilli rannsókn á matarsóun sem framkvæmd var hér í skólanum nú í mars. Einnig verður sagt frá þróunarverkefni með áherslu á stærðfræði og vísindi sem skólinn tekur þátt í ásamt nokkrum erlendum skólum.

Vortónleikar nemenda verða haldnir í kjölfar þingsins. Fjölbreytt og áhugaverð efnisskrá. Ókeypis aðgangur en eftir tónleikana er kaffisala til styrktar ferðasjóði nemenda.

Kaffi og með því kr 1500- ath. ekki posi.

Allir hjartanlega velkomnir

Með góðri kveðju,

Umhverfis- og lýðheilsunefnd og tónlistardeild Stórutjarnaskóla

meira...

22. apríl 2022 08:25

Gleðilegt sumar

Kæru nemendur og foreldrar

Gleðilegt sumar

og takk fyrir veturinn

Starfsfólk Stórutjarnaskóla

meira...

5. apríl 2022 15:35

Skólakynningar MA og VMA

Þriðjudaginn 22. mars fóru 9. og 10. bekkur í skólakynningar í Verkmenntaskólann og Menntaskólann á Akureyri og einnig í heimsókn á heimavistina. Við fengum kynningar á öllum brautum skólanna og á félagslífinu. Á vistinni fengum við að skoða herbergi hjá íbúum vistarinnar, matsalinn, þvottahúsið og setustofuna. Þetta var gaman og fróðlegt, og það verður gaman að sjá hvað tekur við í framtíðinni.

meira...

10. mars 2022 17:48

Öskudagsskemmtanir

Litríkur tunnusláttur

2. mars s.l. var Öskudagurinn. Af því tilefni voru haldin tvö Öskudagsböll í Stórutjarnaskóla, eitt fyrir yngri nemendur og annað fyrir eldri nemendur. Öskudagshátíðin hjá yngri nemendum fór fram á Öskudaginn sjálfan en þar var kötturinn sleginn úr tunnunni, marserað og farið í fleiri leiki, borðað popp og drukkinn safi. Og að sjálfsögðu voru allir klæddir í öskudagsbúninga.

meira...

3. mars 2022 13:24

Menningarstund

Menningarstund verður í Stórutjarnaskóla

miðvikudaginn 9. mars nk. og hefst kl. 14:40

Allir hjartanlega velkomnir

Gætið vel að sóttvörnum

Starfsfólk Stórutjarnaskóla

meira...

20. febrúar 2022 13:35

Þorrablót yngri og eldri

Fimmtudaginn 10. febrúar sl. voru haldin þorrablót nemenda og starfsfólks. Eftir hádegið var haldið þorrablót yngri nemenda. Nemendur voru mis duglegir að smakka þorramatinn en hangikjötið, harðfiskurinn og brauðið stóðu uppúr. Eins og venja er á þorrablótum var sungið og skemmtidagskrá flutt. Hópur 1 flutti þulur í viðeigandi búningum undir stjórn Birnu Kristínar. Hópur tvö lék nokkra brandara sem þau höfðu snúið upp á starfsfólk skólans með aðstoð Nönnu. Þetta voru virkilega skemmtileg atriði og stóðu nemendur sig með mikilli prýði. Marika stýrði söng og lék undir á ukulele.