28. ágúst 2021 12:09

Afjúpun og blessun minnisvarða

Föstudaginn 3. september n.k. verður afhjúpaður minnisvarði um Jaan Alavere á lóð Stórutjarnaskóla.  Þann 3. september er liðið ár frá andláti hans.

Athöfnin hefst kl 11:00.  Marika Alavere afhjúpar minnisvarðann og sr. Jónína Ólafsdóttir flytur blessunar- og minningarorð.  Þá munu nemendur skólans syngja skólasönginn, sem Jaan samdi við texta eftir Anitu Þórarinsdóttur.

Allir eru velkomnir en eru vinsamlegast beðnir að hafa í huga gildandi sóttvarnir.

Stórutjarnaskóli

Skólasöngur Stórutjarnaskóla

Aníta L. Þórarinsdóttir / Jaan Alavere

:,: Í Stórutjarnaskóla er skemmtilegt að vera,
við afar fjölbreitt námsefni og tónlist, söng og dans. :,:  

Hvað finnst þér um fámennan skóla?

Þar fá allir þörfunum mætt.

Á leikvelli renna og róla?    

Reyndar það hefur mig kætt.

Líka þér tölvunnar fræðin?    

Tölvu í samskiptum nýt.

En íþróttaaðstöðu gæðin?

Þar ágætis þjálfun ég hlýt.

:,:  Í Stórutjarnaskóla er skemmtilegt að vera,

við afar fjölbreitt námsefni og tónlist, söng og dans.  :,:

Hvað finnst þér um föndur og sauma?

Í framtíð það nýtast mun vel.

Hefur þú háleita drauma?

Heiðarleik æðstan ég tel.

Hvað þroskar og eflir þinn huga?

Þátttaka‘ í starfi og leik.

Í framtíðarsýn vel að duga,

með dugnaði stöndum við keik.

:,:  Í Stórutjarnaskóla er skemmtilegt að vera,

við afar fjölbreitt námsefni og tónlist, söng og dans.  :,:

Þar skartar fagurt útsýni, skógarkjarr og tjarnir.

Þar ríkir góður andi og er svo margt,

og er svo margt, og er svo margt að gera.

:,:  Í Stórutjarnaskóla er skemmtilegt að vera,

við afar fjölbreitt námsefni og tónlist, söng og dans.  :,:

Til baka

yfirlit frétta