13. nóvember 2019 10:15

Menningarstund miðvikudaginn 20. nóvember

Menningarstund verður í Stórutjarnaskóla miðvikudaginn 20. nóvember nk. og hefst kl 14:30.

Þar verður flutt tónlist og talað mál, enda Dagur íslenskrar tungu þá nýafstaðinn.

Allir velkomnir

meira...

9. nóvember 2019 09:55

Yndislega ógeðslegt kvöld

Síðbúin Hrekkjavaka

Fimmtudagskvöldið 7. nóvember s.l. héldu nemendur langþráða Hrekkjavöku á félagsmálakvöldi. Upprunalega átti þessi geðþekka samkoma að vera 24. október en þá gripu veðurguðirnir inní og á „réttu“ dagsetningunni, 31. október, var svokölluð ljósaæfing fyrir árshátíðina. En síðasta fimmtudag mættu svo nemendur loksins, hver öðrum ógeðslegri eins og til stóð. Gervin voru að vanda ákaflega fjölbreytt og skemmtilega útfærð og sýndu okkur enn og aftur hversu magnað ungviðið okkar er.

meira...

4. nóvember 2019 18:00

Taka tvö

Árshátíð hin síðari

Árshátíð Stórutjarnaskóla, hin síðari 2019, var haldin s.l. föstudagskvöld, þann 1. nóvember. Ákveðið var að gera tilraun með að hafa árshátíðina að hausti að þessu sinni, sem leiddi að sjálfsögðu til þess að árshátíðir urðu tvær árið 2019. Þetta var hefðbundin árshátíð að öðru leyti, sýnd voru þrjú leikrit af yngsta stigi, miðstigi og elsta stigi nemenda.

meira...

30. október 2019 11:38

Æft af kappi

Árshátíðin undirbúin

Þessa vikuna stendur undirbúningur undir árshátíðina sem hæst. Verið er að smíða og mála sviðsmyndir, sauma búninga og svo að sjálfsögðu að æfa verkin sem sýna á. Einnig er bakað og bjástrað í eldhúsinu, því samkvæmt venju verður gestum boðið upp á veislukaffi að loknum sýningum. Á meðfylgjandi myndum má sjá hvar nemendur leggja sig alla fram til að árshátíðin geti orðið okkur öllum til sóma. Myndir hér.

meira...

30. október 2019 11:29

Afa- og ömmukaffi

Miðvikudaginn 23. október buðu börnin öfum sínum og ömmum í heimsókn í leikskólann. Börnin bökuðu hjónabandssælu sem boðið var upp á með kaffinu. Við fengum fjölmarga gesti sem komu ekki aðeins hérna úr sveitinni okkar heldur líka frá Akureyri og Siglufirði.

meira...

29. október 2019 08:56

Árshátíð Stórutjarnaskóla

Árshátíð Stórutjarnaskóla verður haldin
föstudagskvöldið 1. nóvember og hefst kl 20:00
Sýnd verða verkin Emil í Kattholti, Konungur ljónanna og Kaffi Skelfing

Aðgangur kr 2500- veitingar innifaldar
frítt fyrir börn á leik- og grunnskólaaldri
Ath. ekki er tekið við greiðslukortum

Sjoppa og dans á eftir

Allir hjartanlega velkomnir

meira...

25. október 2019 10:32

Fleiri karlar

Kynjahallinn minnkar

Nú í upphafi skólaársins hóf nýr kokkur störf hér í Stórutjarnaskóla. Hann heitir Sardar Dawoody og kemur frá Akureyri. Sardar er reyndar alinn upp í Svíþjóð en hefur búið á Íslandi í fjölda ára. Okkur finnst Sardar góður kokkur og maturinn sem hann eldar virkilega góður. Nú eru þau Sardar og Guðbjörg starfsmenn í eldhúsi en áður voru það þær Heiða og Guðbjörg. Körlum í starfsliði Stórutjarnaskóla hefur því fjölgað nú í haust, því Marteinn Gunnarsson var einnig ráðinn í starf stuðningsfulltrúa. Kynjahalli er mikill í íslenskum skólum og því mikilvægt að fjölga karlkyns starfsmönnum.

meira...

25. október 2019 08:01

Slóvenía 7. – 12. október 2019

Lífbreytileiki í Slóveníu

Stórutjarnaskóli tekur þátt í fjölþjóðlegu verkefni sem kallast Erasmus+ Hob‘s adventure 2018-2020. Verkefnið er á vegum Landverndar og eru skólar á grænni grein frá Eistlandi, Lettlandi og Slóveníu þátttakendur auk tíu grænfánaskóla frá Íslandi. Stórutjarnaskóli er einn af þessum skólum.