24. maí 2019 14:10

Vorþema 2019 - föstudagur

Svalur lokadagur

Í dag var síðasti dagur vorþemadaga.  Við fengum góða gesti í heimsókn sem voru tveir Kiwanismenn úr Mývatnssveit, en Kiwanishreyfingin gefur 1. bekkingum allra grunnskóla í landinu reiðhjólahjálma ár hvert.  Þá var Ingibjörg skólahjúkrunarfræðingurinn okkar mætt og sýndi okkur fram á mikilvægi þess að nota alltaf reiðhjólahjálma þegar við hjólum.  Loks var það hún Selma sem kom frá lögreglunni og ræddi líka um hjálmanotkun og skoðaði svo hjól nemenda, en í dag var einmitt hjóla- og leikjadagur.

Olga íþróttakennari sá um um fjölbreytta leiki í íþróttasalnum og skemmtu margir sér þar konunglega.  Deginum lauk svo samkvæmt venju með útigrillveislu þar sem allir fengu hamborgara og pylsur.   -  Þar með er kennsludögum grunnskólanemenda á þessu skólaári lokið en leikskólinn starfar áfram til 12. júlí.  -  Skólaferðalag 9. og 10. bekkjar stendur enn, en þau fóru til Færeyja s.l. miðvikudag.  Þau koma aftur til landsins þriðjudaginn 28. maí.  -  Skólaslit verða föstudagskvöldið 31. maí kl 20:00.   Myndir hér.

Myndir: jr

Til baka

yfirlit frétta