20. desember 2018 09:14

Litlu-jól

Prúðbúin jólabros

Litlu-jólin í Stórutjarnaskóla voru haldin þriðjudaginn 18. desember.  Fyrst fóru nemendur í heimastofur og áttu þar notalega stund með umsjónarkennurum.  Að því loknu var snæddur jólahátíðarmatur í matsalnum og Elín Eydís kennari veitti nemendum og starfsmönnum verðlaun fyrir að ramba á rétt svör í jólastærðfræðiþrautum. Að því loknu fengu allir ís, en í hann hafði verið laumað möndlu fyrir hvern námshóp skólans.  Möndlugjafirnar í ár voru samkvæmt venju bækur og voru þær afhentar möndluhöfum í lokin.

Að máltíð lokinn var gengið í fagurlega skreyttan salinn, en þar trónir  fallegt jólatré, sem skógræktin á Vöglum gaf skólanum.  Ari Ingólfsson í 10. bekk las jólaguðspjallið en síðan kom sr. Sólveig Halla Kristjánsdóttir og talaði við börnin. Loks var dansað í kringum jólatréð auk þess sem jólasveinn leit við í heimsókn, dansaði og söng með börnunum og gaf þeim svo mandarínur.
 
Nú eru nemendur og starfsólk komin í jólafrí en kennsla hefst svo á nýju ári föstudaginn 4. janúar kl. 8:30. (Kl 8:00 í leikskóla fyrir þá sem það þurfa). Myndir hér.

myndir: jr

Til baka

yfirlit frétta