Yngsti nemendahópurinn kom úr leikskólanum en þau fluttu fingraþulu og sungu um litina við undirleik aðeins eldri nemanda.
Þá komu fram börn í yngsta hópi grunnskólans og fóru með gamla og gildandi málshætti annars vegar en einnig málshætti sem voru með seinni tíma breytingum og útursnúningum.
Drengirnir í hópi tvö í grunnskólanum fluttu gamalt kvæði um Loðinbarða eftir Valdimar Hólm Hallstad.
Að lokum komu fram þrjár stúlkur, fulltrúar tveggja elstu nemendahópanna og lásu frumsamda sögu. Atburðarásin nokkuð ævintýraleg, við sögu komu bæði manneskjur og verur af öðrum meiði. Söguþráður um hetjudáð drengs sem frelsaði unga stúlku úr álögum með kossi. Ekki óþekkt í öðrum ævintýrum.
Einnig voru fjölbreytt tónlistaratriði, allt frá einleik að kórsöng með hljómsveitarflutningi.
Það var mjög ánægjulegt hve margir aðstandendur sáu sér fært að koma og fylgjast með þessum ungu og metnaðarsömu börnum sem stóðu sig með prýði. Myndir hér.
Myndir: jr | 
Prentvæn útgáfa
