30. október 2019 11:29

Afa- og ömmukaffi

Miðvikudaginn 23. október buðu börnin öfum sínum og ömmum í heimsókn í leikskólann. Börnin bökuðu hjónabandssælu sem boðið var upp á með kaffinu. Við fengum fjölmarga gesti sem komu ekki aðeins hérna úr sveitinni okkar heldur líka frá Akureyri og Siglufirði.

Við áttum saman notalega stund, börnin sýndu leikskólann, dótið og listaverk sem þau hafa gert. Marika kom og flutti með þeim atriðið sem þau ætluðu að flytja á menningarstund, en með því að hafa það inn í leikskóla var hægt að gera meira út því. Arney í 2. bekk kom og lék undir á úkúlele við lagið Maja átti lítið lamb. Svo sungu þau og dönsuðu eistneska bíflugnahringdansinn. Þessi atriði tókust ljómandi vel við mikla hrifningu áhorfenda. Við þökkum ömmum og öfum kærlega fyrir komuna og yndislega samveru. Myndir hér.

Til baka