2. júní 2022 12:41

Stórutjarnaskóla slitið

Sumarfrí

Skólaslit Stórutjarnaskóla voru þriðjudagskvöldið 31. maí. Þá útskrifuðust þrjár stúlkur úr grunnskóla og óskum við þeim innilega til hamingju með áfangann sem og gæfu og velgengni í framtíðinni. Einnig útskrifuðust tveir nemendur úr leikskóladeild og óskum við þeim einnig innilega til hamingju og góðs gengis í grunnskóla. Myndir hér.

Nú eru grunnskólanemendur komnir í sumarfrí. Leikskóladeildin verður opinn til 15. júlí en þá fara leikskólanemendur einnig í sumarfrí.

Skólasetning Stórutjarnaskóla hausti 2022 verður mánudaginn 22. ágúst.

Sumarkveðjur

Starfsfólk Stórutjarnaskóla

meira...

2. júní 2022 10:19

Sumaropnun

Sundlaug og bókasafn

Frá Sundlaug Stórutjarnaskóla

Sumaropnun sundlaugar Stórutjarnaskóla verður á mánudagskvöldum frá kl. 19:30 – 21:30 og á fimmtudögum frá kl. 16:00 – 18:00.

Sundlaugin verður lokuð frá og með 1. ágúst til og með 18. ágúst.

Frá Bókasafninu í Stórutjarnaskóla

Sumaropnun Bókasafnsins í Stórutjarnaskóla verður á mánudagskvöldum frá kl. 19:30 – 21:30 og á fimmtudögum frá kl. 16:00 – 18:00.

Síðasti opnunardagur fyrir sumarfrí er 7. júlí.

meira...

27. maí 2022 10:31

Vordagar

Frábærir vordagar eru nú að baki og nemendur að komast í langþráð sumarfrí.
Föstudagurinn 20. maí var fyrsti vordagurinn og þá var sett upp frisbí-golf braut og Bjarki Jónasson, „gamall“ nemandi skólans, kom og kenndi nemendum réttu tökin. Svo dreifðu nemendur sér um skólalóðina og hreinsuðu rusl og skelltu sér svo í fatasund á eftir.

meira...

18. maí 2022 13:42

Í mörgu að snúast hjá elstu nemendunum

Eftir að covid-19 takmörkunum var aflétt hefur verið í nógu að snúast hjá okkur í 9. - 10. bekk. Við höfum bæði fengið nemendur úr öðrum skólum í heimsókn til okkar og farið í heimsóknir í aðra skóla.

8. - 10. bekkur Valsárskóla, Grenivíkurskóla og Þelamerkurskóla kom til okkar í mars og vorum við búin að skipuleggja ratleik og allskyns þrautir fyrir þau.

meira...

16. maí 2022 10:56

Stórutjarnaskóli 50 ára

Afmælishátíð

Síðastliðinn þriðjudag var haldið upp á 50 ára afmæli Stórutjarnaskóla. Skólinn tók til starfa 9. nóvember 1971 en vegna samkomutakmarkana var ekki gerlegt að halda hátíð á afmælisdaginn sjálfan.

Hátíðin hófst kl 13:30 þar sem Birna Davíðsdóttir skólastjóri bauð gesti velkomna. Dagskrá í sal hófst á ávarpi þar sem Ólafur Arngrímsson fór yfir sögu skólans. Marína Sigurgeirsdóttir fyrrum nemandi og starfsmaður flutti einnig ávarp þar sem hún talaði um veru sína í skólanum á unglingsárum sínum, félagslífið og þau fjölmörgu tækifæri sem nýi skólinn bauð uppá. Tómas Karl Sigurðarson nemandi í 9. bekk sagði í sínu ávarpi frá lífinu í skólanum í dag.

meira...

16. maí 2022 10:49

Mikið um að vera

Umhverfis- og lýðheilsuþing og vortónleikar

Umhverfis- og lýðheilsuþing var haldið þann 4. maí. Aðalfyrirlesari þingsins var Ólafur Sóliman matreiðslumeistari. Hans erindi fjallaði um mikilvægi góðrar næringar fyrir okkur öll. Hann talaði líka um vistspor og framleiðslu matvæla í heimahéraði sem skiptir sköpum þegar kemur að loftlagsmálum. Olga leiddi hléæfingar og Arndís, nemandi í umhverfis- og lýðheilsunefnd kynnti niðurstöður úr rannsókn á matarsóun sem framkvæmd var í skólanum í mars s.l.. Marika stjórnaði svo fjöldasöng og að lokum var sagt frá þróunarverkefni sem skólinn tekur þátt í ásamt nokkrum erlendum skólum. Þátttaka í þróunarverkefnum eru mikilvægur þáttur í skólastarfi. Samskipti okkar við skóla í Eistlandi, Frakklandi og Ítalíu, eflir bæði kennara og nemendur. Stærðfræði og vísindi eru aðal áhersluþættir verkefnisins, þar sem nemendur allra þátttökulanda vinna fjölbreytt verkefni og skila niðurstöðum í sameiginlegar rafbækur. Myndir hér.

Vortónleikar voru einnig haldnir 4. maí. Efnisskrá var fjölbreytt og áhugaverð þar sem nánast allir nemendur skólans komu fram. Marika kynnti flytjendur og tónlist og saman voru þau Ármann nemendum til aðstoðar. Framfarir og framkoma nemenda var til fyrirmyndar og stóðu sig allir með prýði.

Eftir tónleikana var hefðbundin kaffisala með glæsilegum veitingum sem nemendur og foreldrar nemenda í 9. og 10. bekk stóðu fyrir. Allur ágóði sölunnar er til styrktar ferðasjóði nemenda.

Við þökkum öllum sem fram komu og þeim sem komu að undirbúningi fyrir þeirra framlag. Þetta var góður dagur. Myndir hér.

Nemendur og starfsfólk Stórutjarnaskóla

meira...

22. apríl 2022 08:25

Gleðilegt sumar

Kæru nemendur og foreldrar

Gleðilegt sumar

og takk fyrir veturinn

Starfsfólk Stórutjarnaskóla

meira...

5. apríl 2022 15:35

Skólakynningar MA og VMA

Þriðjudaginn 22. mars fóru 9. og 10. bekkur í skólakynningar í Verkmenntaskólann og Menntaskólann á Akureyri og einnig í heimsókn á heimavistina. Við fengum kynningar á öllum brautum skólanna og á félagslífinu. Á vistinni fengum við að skoða herbergi hjá íbúum vistarinnar, matsalinn, þvottahúsið og setustofuna. Þetta var gaman og fróðlegt, og það verður gaman að sjá hvað tekur við í framtíðinni.