GRENNDARVITUND

Skógar

Áður fyrr var þar mikill skógur.  Síðan eyddist skógurinn með öllu.  Áður var bærinn í þjóðleið og þar var heimavistarskóli Hálshrepps, þingstaður, símstöð og póstafgreiðsla fyrir sveitina.  Skógar voru félagsheimili sveitarinnar, þar voru haldnir fundir og skemmtanir.  Barnaskólinn var lagður niður árið 1972 þegar Stórutjarnaskóli tók við.  Símstöð var lögð niður 1978 og póstafgreiðsla 1984.  Nú eru Skógar í eyði.  Hreppurinn á efri hæðina og þar er aðstaða fyrir minni fundi og skemmtanir, einnig er bókasafnið þar með aðstöðu. 

Jóhannes Kristjánsson