GRENNDARVITUND

Jarðverk ehf.

Jarðverk ehf er fyrirtæki sem vinnur við ýmiskonar framkvæmdir, s.s. vegagerð, skurðgröft, snjómokstur o.fl. sem við kemur jarðvinnslu.  Þetta fyrirtæki var stofnað árið 1971 af Valtý Kristjánssyni og hefur það starfað víða um Norðurland, allt frá Möðrudal á Fjöllum að Fljótum í Skagafirði.  T.d. tóku þeir þátt í lagningu vegarins yfir Víkurskarð, lögðu veginn við Ljósavatn og ýttu fyrir grunni að húsum nr. 3 og 4 hér í grennd við Stórutjarnaskóla. 

Tveir menn vinna allt árið hjá fyrirtækinu en þegar um stærri verk er að ræða eru fleiri menn ráðnir til starfa.  Núna síðast voru þeir að laga veginn sem Skjálfandafljót eyðilagði í vatnavöxtunum og tóku fleiri verktakar þátt í þeirri lagfæringu.

Aldís Erna