félagsmál

Félagslíf er einn þeirra þátta, sem mikil áhrif hefur á alhliða þroska nemenda. Því er nauðsynlegt að allir nemendur fái tækifæri til að taka þátt í félagsmálum af einhverju tagi á skólagöngu sinni. Þar sem skólasvæði Stórutjarnaskóla er stórt og breidd í aldri nemenda mikil, er ákveðnum vandkvæðum bundið að halda uppi mjög öflugu félagslífi innan skólans. Megnið af skipulögðu félagslífi fer fram á kvöldin og er mæting nemenda háð því að foreldrar sjái sér fært að aka börnunum í skólann. Reynt verður að miða framboð félagsstarfa við mismunandi aldur og þroska nemenda, þannig að tryggt sé að allir fái eitthvað við sitt hæfi.

Helstu þættir félagslífsins verða eftirfarandi: 

• Opið hús á fimmtudagskvöldum fyrir 7. – 10. bekk. Þar hafa allir nemendur aðgang að ýmsum leiktækjum, auk þess sem íþróttasalurinn stendur þeim opinn. Þá er sundlaugin einnig opin sama kvöld fyrir almenning. Rétt er að taka fram að nemendum í 1.- 6. bekk er óheimilt að fara í sundlaugina nema í fylgd fullorðinna.
   
• SAM-skólaböll fyrir nemendur 7. – 10. bekkjar.
   
• Sameiginleg félagsmálakvöld með Þingeyjarskóla.
   
• Bekkjarkvöld fyrir hvern hóp fyrir sig.
   
• Þorrablót.
   
• Árshátíð.

 
Mikilvægt er að nemendur séu sóttir strax að loknum félagsmálatímunum.