reglugerð fyrir ferðasjóð nemenda stórutjarnaskóla

Reglugerð fyrir Ferðasjóð nemenda Stórutjarnaskóla

 
1. gr. Tilgangur sjóðsins er að standa straum af kostnaði við skemmti-

    og fræðsluferð elstu nemenda skólans, hið svokallaða skólaferðalag.

    Nemendum, í samráði við kennara og foreldra, er heimilt að verja

    afgangsfé til verkefna á vegum Stórutjarnaskóla og/eða til verkefna

    sem nýtast  æskulýðs- og íþróttastarfi á skólasvæðinu. Ekki er heimilt

    að veita fé til einstaklinga.

 
2. gr. Skólastjóri Stórutjarnaskóla hefur yfirumsjón með sjóðnum og er

    ábyrgur fyrir varðveislu hans.

 
3. gr. Tekjur sjóðsins skulu vera þær sem nemendum tekst að afla með

    fjáröflunum af ýmsu tagi. Sjóðnum er einnig heimilt að taka við

    gjöfum. Allar fjáraflanir skulu vera á ábyrgð skólans og í samvinnu

    nemenda, kennara og foreldra, eftir ástæðum hverju sinni. Skólastjóri

    getur falið einum af kennurum skólans umsjón með fjáröflunum og

    varðveislu sjóðsins.

 
4. gr. Að jafnaði fer 10. bekkur í skólaferðalagið ár hvert, en þegar

    fámennt er í elstu bekkjum fara 9. og 10. bekkur saman, þá annað

    hvert ár. Nemendur, ásamt umsjónarkennara sínum, skólastjóra og

    umsjónarmanni Ferðasjóðs, skipuleggja skólaferðalagið, í samráði við

    foreldra.