leikskólinn

Í grunnskólalögum og aðalnámskrám grunnskóla og leikskóla er til þess mælst að milli þessara skólastiga fari fram skipulegt samstarf. Stórutjarnaskóli er í senn, grunnskóli, tónlistarskóli og leikskóli. Skólastjóri Stórutjarnaskóla fer með yfirstjórn allra þátta, m.a. ráðningu starfsfólks, samkvæmt ákveðnum reglum og skipulag á nýtingu húsnæðisins. Deildarstjórn er í höndum leikskólakennara sem ber faglega ábyrgð á öllu innra starfi og fer með daglega stjórn hans, í samráði við skólastjóra.

 
Með þessu móti kemst nám barnanna nær því að verða ein samfella og skil milli skólastiganna mást mikið til út auk þess sem næst fram samnýting á starfsfólki og aðstöðu. Nemandi sem innritast í leikskólann er þar með orðinn nemandi Stórutjarnaskóla og verður það hvort heldur hann stundar nám á leikskóla- eða grunnskólastigi. Leitast er við að samþætta skólastigin, kennarar kenna á báðum stigum og nemendur fá einnig tækifæri til að kynnast starfi beggja.

Símanúmer Tjarnaskjóls eru:	464-3401 og 897-3401
Ef ekki svarar:	464-3221 (kennarastofa)
	464-3220 (skrifstofa skólastjóra)
	464-3227 (skrifstofa leikskólans)