GRENNDARVITUND

Aldeyjarfoss

Aldeyjarfoss er fallegur foss í Skjálfandafljóti skammt frá Stórutungu, syðst í Bárðardal.  Fossinn fellur niður í þröngt gljúfur þar sem sérkennilegar stuðlabergsmyndanir eru áberandi og gera umhverfi fossins einkar fallegt.  Örstutt er að skreppa að Aldeyjarfossi af Sprengisandsleið, skömmu eftir að lagt er upp frá Mýri, fremsta bæ í Bárðardal að vestan.  Þá má einnig komast að fossinum að austanverðu t.d. frá Stórutungu.