8. desember 2023

Mikið dásemdar vetrarveður hefur verið síðustu daga og vikur og því ekki úr vegi að nýta góða veðrið og borða morgunverð úti einn morgun. Birna Kristín og Birna skólastjóri kveiktu á nokkrum útikertum við göngustíginn niður að Álfaborg og kveiktu varðeld á eldstæðinu. Olga kom með ostaslaufur og kringlur úr bakaríi og drukkið var svissmiss í kringum varðeldinn. Kósý-gæðastund í myrkri og stillu sem entist að vísu ekki mjög lengi þar sem frostið var þó nokkuð. En mögulega kemur þessi óvenjulega morgunstund til með að skapa ljúfar minningar.